Men shu maktabda o‘qiyman va umuman olganda taassurotlarim ijobiy. O‘qituvchilarning aksariyati mehribon va darslarni yaxshi tushuntirishga harakat qiladi. Albatta, har qanday maktabda bo‘lgani kabi, 1–2 nafar unchalik yoqmaydigan o‘qituvchi ham bor, lekin ko‘pchiligi o‘z ishiga mas’uliyat bilan yondashadi. Asosiy kamchiliklardan biri — ayrim resurslarning yetishmasligi. Shu sababli ba'zi mavzularni to‘liq o‘rganish qiyinroq bo‘ladi. Maktab binosi ham biroz eskirgan, maktab hovlisini esa yanada zamonaviyroq qilish mumkin. Bu yil maktabda ko‘plab ijobiy o‘zgarishlar bo‘ldi: kichik bog‘ tashkil etildi, toza ichimlik suvi manbai o‘rnatildi, yangi doskalar va zamonaviy elektron doskalar keltirildi. Bundan tashqari, ko‘plab kichik, ammo foydali yangilanishlar ham amalga oshirildi. Maktab ovqatlari yomon emas, lekin ularni yanada yaxshilash mumkin deb o‘ylayman. Ba'zi o‘quvchilarning tarbiyasi ham unchalik yaxshi emas, ammo bu ko‘proq ota-onalarning mas'uliyati. Umuman olganda, maktab yaxshi taassurot qoldiradi. Kelajakda yanada rivojlanib, o‘quvchilar uchun yanada qulay va zamonaviy maskanga aylanishiga ishonaman.